Daspö sia fundaziun l’on 1979 sta la Lischana Fiduziari SA per expertisas professiunalas, fideltà ed üna stretta relaziun cun sias cliaintas e cun seis cliaints. In bainbod tschinch decennis s’ha l’intrapraisa etablida sco grondezza fixa i‘ls contuorns regiunals e surregiunals chi spordschan lavur fiduziaria e da cussagliaziun, grazcha a la cumpetenza da plüs ons da las collavuraturas e dals collavuraturs.
Cun reglar la successiun vaina miss ils binaris per l’avegnir. Ils duos commembers da la direcziun da fin uossa, Marcel Franziscus e Martin Schirmer, surpiglian cumünaivelmaing la gestiun. Andri Lansel resta president dal cussagl d’administraziun. Tuots duos manaders as distinguan tras cugnuschentschas professiunalas fundadas, ün pensar d’intrapraisa ed üna ferma relaziun vers l’intrapraisa e sia cliantella. Els vegnan sustgnüts dad ün team chi’d es a l’otezza dal temp e metta i’l center ils giavüschs da la cliantella.
La direcziun cumünaivla garantischa la stabilità e la cuntinuità davart l’assistenza cun la cliantella in ün ambiaint chi dvainta vieplü regulatoric e plü cumplex. La Lischana Fiduziari SA s-chaffischa uschè las premissas per ün ulteriur svilup persistent da l’intrapraisa.